Tamilnadu : తమిళనాడులో నేడు మహానాడు.. విజయ్ కీలక ప్రకటన

అయితే జయలలిత మరణంతో అన్నా డీఎంకే చీలిపోయింది. శశికళ ఒక కుంపటి పెట్టుకోగా, పళనిస్వామి పార్టీని చేజిక్కించుకున్నారు. మరోవైపు మాజీ ముఖ్యమంత్రి పన్నీర్ సెల్వం కూడా సొంతంగా ఎన్నికల బరిలోకి దిగుతున్నారు. అన్నాడీఎంకే దాదాపుగా మూడుగా చీలిపోవడంతో ఆ ఓట్లు కూడా చీలిపోయినట్లయింది. డీఎంకేకు గట్టి పోటీ ఇచ్చే పార్టీ లేదు. సినీనటుడు కమల్ హాసన్ ఏర్పాటు చేసిన మక్కల్ నీది మయ్యమ్ పార్టీ ఇప్పటి వరకూ ఏ ఎన్నిక్లోనూ ప్రజలు ఆదరించలేదు. అయితే అది బీజేపీకి దూరంగా, కాంగ్రెస్ కు చేరువగా ఉండే అవకాశాలున్నాయని అనిపిస్తుంది. ఈ సమయంలో తమిళనాడు రాజకీయాల్లో మరో కీలక పరిణామం చోటు చేసుకుంటుంది.

తమిళ హీరో విజయ్ టీవీకే పార్టీని ఇప్పటికే ప్రకటించారు. విజయ్ కు తమిళనాడు అంతా విస్తృతమైన అభిమాన గణం ఉంది. ఆయన పార్టీ ఏర్పాటు చేయడమే కాకుండా టీవీకే మహానాడును నేడు తమిళనాడులో తొలి సారి నిర్ణయించనున్నారు. ఈ మహానాడులో తాను పార్టీ పెట్టిన కారణాలు, ప్రజలకు ఏం చేయాలనుకుంటున్నదీ ప్రజలకు విజయ్ వివరించే అవకాశముంది. తమిళనాడులోని విల్లుపురం జిల్లా విక్రంవాడీలో టీవీకే మహానాడుకు భారీ ఏర్పాట్లు చేశారు. సాయంత్రం ఐదు గంటల నుంచి మహానాడు ప్రారంభం కానుంది. తిరుచ్చి జాతీయ రహదారిలో మూడు కిలోమీటర్ల జెండాలు, విద్యుత్తు దీపాలంకరణలతో అలంకరించారు. రానున్న అసెంబ్ల ీఎన్నికల బరిలోకి విజయ్ దిగే అవకాశముందని చెబుతున్నారు. దీంతో తమిళనాడు రాజకీయాలు హాట్ హాట్ గా మారనున్నాయి.