Sabarimala : 6.65 లక్షల కంటైనర్లలో ఉన్న కోట్ల విలువైన ప్రసాదం పనికి రాదట

మొత్తం 6.65 లక్షల కంటైనర్లలో ప్రసాదం ఉంది. ఈ ప్రసాదం నిల్వ ఉంది. గత ఏడాది అయ్యప్ప మాల సందర్భంగా తయారు చేసింది. అయితే ఇందులో కల్తీ జరిగినట్లు నిర్ధారణ కావడంతో ప్రసాదాన్ని ఏం చేయాలన్న దానిపై ఆలయ కమిటీ సభ్యులు మల్లగుల్లాలు పడ్డారు. ప్రసాదాన్ని పారవేయకూడదు. అలా చేస్తే భక్తుల మనోభావాలు దెబ్బతింటాయి. దీంతో ఇంత పెద్ద మొత్తంలో ప్రసాదాన్ని ఏం చేయాలన్న దానిపై నిపుణులతో చర్చించారు. అనంతరం ఒక నిర్ణయానికి వచ్చారు.

గత ఏడాది తయారు చేసిన ప్రసాదం నిల్వ ఉంచింది కావడంతో ఇక భక్తులకు పంపిణీ చేయకూడదని నిర్ణయించుకున్న ట్రావెన్ కోర్ దేవస్థానం దానిని ఎరువుగా మార్చాలని నిర్ణయించింది. ప్రసాదం తయారీలో యాలకులు వినియోగించకుండా యాలకుల్లో మోతాదును మించిన క్రిమిసంహారకాలు కలిసినట్లు తేలడంతో దీనిని శాస్త్రీయంగా పారబోసేందుకు నిర్ణయించింది. ఇందుకోసం టెండర్లను ఆహ్వానించింది. ఈ టెండర్ ను ఇండియాన్ సెంట్రిఫ్యూజ్డ్ ఇంజనీరింగ్ సొల్యూషన్స్ దక్కించుకుంది. వీరు ఈ కలుషితమైన ప్రసాదాన్ని ఎరువుగా మార్చనున్నారు. భగవంతుడి ప్రసాదాన్ని ఏదో రూపంలో సద్వినియోగం చేయాలని నిర్ణయించారు. ఈ మేరకు కొట్టాయంలోని గూడెంకు అప్పగించారు. అక్కడి నుంచి హైదరాబాద్ కు తీసుకెళ్లి ఎరువుగా మార్చనున్నారు. దీనివిలువ కోట్ల రూపాయలు ఉంటుందని బోర్డు సభ్యులు తెలిపారు.