దేశంలో పెరుగుతున్న కేసులు

దేశంలో కరోనా కేసులు పెరుగుతున్నాయి. గడచిన ఇరవై నాలుగు గంటల్లో వెయ్యికి పైగా కరోనా కేసులు నమోదయ్యాయి. ఇద్దరు కరోనా కారణంగా మరణించారు. ప్రజలు కోవిడ్ నిబంధనలు పాటించకపోవడంతో వైరస్ కేసుల సంఖ్య మళ్లీ పెరుగుతుందని వైద్య నిపుణులు చెబుతున్నారు. ఇప్పటికే అనేక రాష్ట్రాలకు కేంద్ర వైద్య ఆరోగ్యశాఖ హెచ్చరికలు జారీ చేసింది. ఆరు రాష్ట్రాలకు కోవిడ్ మార్గదర్శకాలను ఖచ్చితంగా పాటించాలని పేర్కొంది. యాక్టివ్ కేసుల సంఖ్య ఏడు వేలకు చేరడం ఆందోళన కలిగిస్తుంది.