వామ్మో.. కేసులు పెరుగుతున్నాయ్

గడిచిన 24 గంటల వ్యవధిలో నాలుగు వేలమందికి పైగా కరోనా బారినపడ్డారని బుధవారం కేంద్ర ఆరోగ్యశాఖ వెల్లడించింది.నిన్న1,31,086 మందికి వైరస్ నిర్ధారణ పరీక్షలు చేయగా.. 4,435 కొత్త కేసులు వచ్చాయని కేంద్ర వైద్య ఆరోగ్యశాఖ అధికారులు వెల్లడించారు. యాక్టివ్ కేసుల సంఖ్య 23,091కి చేరుకుంది. పాజిటివిటీ రేటు 3.38 శాతానికి పెరగడం కూడా కలవరపరుస్తుంది. రికవరీ రేటు 98.76 శాతంగా ఉందని కేంద్ర వైద్య ఆరోగ్యశాఖ అధికారులు తెలిపారు. అదే సమయంలో ఇప్పటి వరకూ కరోనా కారణంగా 5,30,916 మంది మరణించారని అధికారులు వెల్లడించారు.