నేషనల్ షూటర్ కోనికా లాయక్ ఆత్మహత్య

నేషనల్ షూటర్ కోనికా లాయక్ కోల్ కతాలో అనుమానాస్పద స్థితిలో మృతి చెందింది. కోల్ కతాలో తాను ఉంటున్న హాస్టల్ గదిలో ఫ్యాన్ కు ఉరివేసుకుని ఆమె ఆత్మహత్యకు పాల్పడినట్లు పోలీసులు భావిస్తున్నారు. అక్కడ లభించిన సూసైడ్ నోట్ లో కోనికా ఇలా రాసింది. "కొంతకాలంగా షూటింగ్ లో రాణించలేకపోతున్నాను. అమ్మా.. నాన్న ఇలా చేస్తున్నందుకు నన్ను క్షమించండి." అని రాసి.. తాను ఆత్మహత్యకు పాల్పడుతున్నట్లు పేర్కొంది. కాగా.. కోనికా లాయక్ మృతదేహాన్ని పోలీసులు పోస్టుమార్టంకు తరలించారు. ఆమె ఆకస్మిక మరణంతో కోనికా తల్లిదండ్రులు గుండెలవిసేలా రోధిస్తున్నారు.