పిన్నెల్లిని ఓడించే శక్తి వాళ్లిద్దరికీ లేదు : మంత్రి అంబటి

మాచర్లలో పిన్నెల్లిని ఓడించడం తమతరం కాదనే.. ఆయనను, అతని సోదరుడు వెంకట్రామిరెడ్డిలను అంతం చేసేందుకు చంద్రబాబు కుట్రలు చేస్తున్నాడని ఆరోపించారు. తాను కన్నెర్ర చేస్తే పల్నాడులో ఒక్కరూ ఉండరు అని చంద్రబాబు పల్నాడులో ప్రజలను రెచ్చగొట్టేలా మాట్లాడింది నిజం కాదా? అని మంత్రి అంబటి ప్రశ్నించారు. ఆ వీడియోలు ఇప్పటికీ యూట్యూబ్ లో ఉన్నాయని తెలిపారు. బ్రహ్మారెడ్డి నేర చరిత్ర ఏమిటో, అతడు ఎన్ని హత్యలు చేశాడో మాచర్ల ప్రజలకు తెలుసని.. ఎన్ని కుట్రలు చేసినా, హత్యా రాజకీయాలు చేసినా మాచర్ల ఎమ్మెల్యే పిన్నెల్లి కాలి గోరు కూడా పీకలేరని అంబటి వ్యాఖ్యానించారు.