Cock Fight : కోటి గెలుచుకున్న కోడి.. రికార్డు క్రియేట్ చేసిందిగా

అయితే ఒకే ఒక కోడిపందెం అందరి దృష్టిని ఆకర్షించింది. ఇక్కడ ఒక్క కోడి పందెం విలువ కోటి ఇరవై ఐదు వేల రూపాయలు కావడంతో అందరి దృష్టి ఆ బరిపైనే పడింది. అయితే తాడేపల్లి గూడెంలో జరిగిన ఒక పందెం మాత్రం ఆకట్టుకుంది. ఈ బరి వద్దకు వేల సంఖ్యలో పందెంరాయుళ్లు రావడంతో అక్కడ ప్రయివేటు బందోబస్తు ఏర్పాటు చేయాల్సి వచ్చింది. ఎందుకంటే కోడిపందేల్లో ఆరితేరిన కోడి కింగ్ గా పేరు గాంచిన రత్తయ్య పుంజు ఇందులో పాల్గొనడమే. ఈ సారి ఇక్కడ ఏలూరు జిల్లా రంగాపురానికి చెందిన రత్తయ్య కోడితో, గుడివాడ ప్రభాకర్ రావు కోడి పోటీ పడింది. చివరకు గుడివాడ ప్రభాకర్ కోడి గెలవడంతో 1.25 కోట్లను ప్రభాకర్ రావు సొంతం చేసుకున్నాడు.

కోడి పందేల్లో రత్తయ్యకు ఉన్న ట్రాక్ రికార్డును చూసి ఎక్కువ మంది ఆయన పుంజుపై పై పందేలు పెట్టారు. గతంలో అనేక సార్లు రత్తయ్య బరిలోకి వదిలిన పుంజు ఎక్కువ సార్లు గెలవడంతో పందెం రాయుళ్లు ఏమీ ఆలోచించకుండా పందేలు కాశారు. అంతేకాదు కుక్కుట శాస్త్రం అనుసరించి ఈ పందెం జరగ్గా చివరకు కింగ్ కోడి రత్తయ్య పుంజు ఓడి చచ్చిపోయింది. గుడివాడ ప్రభాకర్ పుంజు పై చేయి సాధించింది. దీంతో ఈ పందెంలో 1.25 కోట్లు గెలుచుకుని ప్రభాకర్ ఈ ఏడాది జరిగిన పందేల్లో అత్యధిక మొత్తాన్ని గెలుచుకున్న విజేతగా నిలిచాడు. హోరాహోరీగా జరిగిన ఈ పందేన్ని చూసేందుకు వేలాది మంది తరలి రావడంతో అక్కడ స్వల్పంగా తొక్కిసలాట కూడా జరిగిందని చెబుతున్నారు.