బంగారు పతకం సాధించిన సింధు

కామన్వెల్త్ క్రీడల బ్యాడ్మింటన్ మహిళల సింగిల్స్ లో పీవీ సింధు బంగారు పతకం సాధించింది. ఫైనల్స్ లో సింధు కెనడాకు చెందిన మిచెల్లీ లీపై ఘనవిజయం సాధించింది. సింధు 13వ ర్యాంక్ లో ఉన్న ప్రత్యర్థిని 21-15, 21-13 తేడాతో ఓడించింది. పూర్తి ఏకపక్షంగా సాగిన ఈ ఫైనల్లో సింధు అలవోకగా విజయం సాధించింది. కామన్వెల్త్ క్రీడల్లో పీవీ సింధుకు ఇదే తొలి స్వర్ణ పతకం కావడం విశేషం. భారత్ ప్రస్తుతం 56 పతకాలు సాధించి పతకాల పట్టికలో నాలుగో స్థానంలో నిలిచింది. భారత్ పతకాల పట్టికలో 19 స్వర్ణాలు, 15 రజతాలు, 22 కాంస్య పతకాలు ఉన్నాయి.