టెన్షన్ పెట్టారు కాని.. అయ్యర్, యాదవ్ ల పుణ్యమే

భారత్ వెస్టిండీస్ తో మొత్తం మూడు టీ 20 మ్యాచ్ లు ఆడాల్సి ఉంది. తొలి మ్యాచ్ లో గెలిచి సిరీస్ పై పై చేయి భారత్ సాధించింది. తొలుత బ్యాటింగ్ చేసిన వెస్టిండీస్ 20 ఓవర్లకు 157 పరుగులు చేసింది. ఏడు వికెట్లను చేజార్చుకుంది. వెస్టిండీస్ లో పూరన్ 61 పరుగులు చేశాడు. మిగిలిన బ్యాట్స్ మెన్ లు పెద్దగా ఆడకపోవడంతో కొంత భారత్ ఊపిరి పీల్చుకుంది. అయితే భారత్ ముందు భారీ లక్ష్యమే ఉంది. 158 పరుగుల లక్ష్యంతో బరిలోకి భారత్ దిగింది.

అయితే కెప్టెన్ రోహిత్ శర్మ 19 బంతుల్లోనే 40 పరుగులు చేసి కొంత అనుకూల వాతావరణాన్ని ఏర్పరిచారు. ఓపెనర్ గా దిగిన ఇషాన్ కిషన్ కూడా 35 పరుగులు చేసి ఔటయ్యాడు. కొహ్లి, రిషబ్ పంత్ తక్కువ పరుగులకు అవుట్ కావడంతో భారత్ కష్టాల్లో పడినట్లయింది. రన్ రేటు కూడా 8 వరకూ ఉండటంతో భారత్ అభిమానుల్లో టెన్షన్ మొదలయింది. అయితే సూర్యకుమార్ యాదవ్, వెంకటేశ్ అయ్యర్ నిలదొక్కుకోవడం, ఇద్దరూ భారీ షాట్లతో అలరించి భారత్ కు విజయాన్ని అందించారు. చివరగా వెంకటేశ్ అయ్యర్ సిక్స్ కొట్టి భారత్ కు విజయాన్ని తెచ్చిపెట్టారు.