SAvsENG- టార్గెట్ 400.. ఇంగ్లండ్ ఛేజ్ చేసేనా?

ముంబై లోని వాంఖడే స్టేడియంలో దక్షిణాఫ్రికా బ్యాటర్లు రెచ్చిపోయారు. ఇంగ్లండ్ ముందు ఏకంగా 400 పరుగులు టార్గెట్ ను ఉంచారు. దక్షిణాఫ్రికా బ్యాటర్లలో డికాక్, మిల్లర్ ని మినహాయిస్తే మిగిలిన వాళ్లు సూపర్ హిట్టింగ్ చేయడంతో ఇంగ్లాండ్ ముందు 400 పరుగుల భారీ లక్ష్యాన్ని ఉంచింది. టాస్ ఓడి బ్యాటింగ్ దిగిన సఫారీలు నిర్ణీత 50 ఓవర్లలో 7 వికెట్ల నష్టానికి 399 పరుగులు చేసింది. ప్రారంభంలోనే డికాక్ వికెట్ కోల్పోయినా వాండెర్ డస్సెన్(60) రీజా హెన్డ్రిక్స్(85) ఇన్నింగ్స్ ను చక్కదిద్దారు. ఆ తర్వాత వచ్చిన కెప్టెన్ మార్కరం 42 పరుగులు చేశాడు. ఆఖర్లో హెన్రిచ్ క్లాసన్ 67 బంతుల్లోనే 109 పరుగులు చేసి విధ్వంసం సృష్టించాడు. ఆల్ రౌండర్ మార్కో జాన్సెన్( 42 బంతుల్లో 75) చెలరేగిపోయాడు. ఇంగ్లాండ్ బౌలర్లలో టోప్లేకు మూడు వికెట్లు, అదిల్ రషీద్, అట్కిన్సన్ కి రెండు వికెట్లు దక్కాయి.