French Open Badminton: ఫ్రెంచ్ ఓపెన్ టైటిల్ నెగ్గిన సాత్విక్-చిరాగ్

ఆదివారం జరిగిన ఫ్రెంచ్ ఓపెన్ పురుషుల డబుల్స్ బ్యాడ్మింటన్ ఫైనల్ లో సాత్విక్‌ సాయిరాజ్ రంకిరెడ్డి, చిరాగ్ శెట్టి జోడీ అద్భుత ప్రదర్శన చేసి టైటిల్ ను సొంతం చేసుకుంది. ఈ టైటిల్‌ను సాత్విక్‌ సాయిరాజ్ రంకిరెడ్డి, చిరాగ్ శెట్టి జోడీ కైవసం చేసుకోవడం రెండోసారి. భారత టాప్ సీడ్ ఫైనల్‌లో చైనీస్ తైపీకి చెందిన లీ జే-హువే, యాంగ్ పో-హ్సువాన్‌లపై వరుస గేమ్‌లలో విజయాన్ని నమోదు చేసింది. 2022లో కూడా టైటిల్‌ను గెలుచుకున్న సాత్విక్-చిరాగ్ ఆదివారం 21-11, 21-17 తేడాతో ఫైనల్‌ లో సత్తా చాటారు. తొలి గేమ్‌లో దూసుకు వెళ్లిన వీరిద్దరూ.. వీరిద్దరూ రెండో గేమ్‌లో మాత్రం గట్టిపోటీని ఎదుర్కొన్నారు. అయితే రెండో గేమ్‌లో భారత జోడీ విజయం సాధించింది. సాత్విక్‌- చిరాగ్ శక్తివంతమైన స్మాష్‌లతో ఈ టోర్నమెంట్ లో మెరుపు దాడులతో అలరించారు. ఫైనల్ లో కూడా అదే రిపీట్ అయింది.