తండ్రైన బుమ్రా.. కొడుకుకు ఏ పేరు పెట్టాడంటే?

భారత పేసర్ జస్ప్రీత్ బుమ్రా తండ్రి అయ్యాడు. బుమ్రా సోమవారం తన సోషల్ మీడియా అకౌంట్ ద్వారా తనకు కొడుకు పుట్టిన వార్తను పంచుకున్నాడు. “మా చిన్న కుటుంబం పెద్దదైంది. మా హృదయాలు ఊహించలేనంత నిండుగా ఉన్నాయి! ఈ ఉదయం మేము మా కుమారుడు అంగద్ జస్ప్రీత్ బుమ్రాను ప్రపంచంలోకి స్వాగతించాము. మేము ఎంతో ఆనందంగా ఉన్నాము. మా జీవితంలోని ఈ కొత్త అధ్యాయం కోసం ఎంతగానో ఎదురుచూశాం.మా కుటుంబంలో ఎంతో ఆనందం నెలకొంది” అని బుమ్రా చెప్పుకొచ్చాడు. 29 ఏళ్ల బుమ్రా ఆదివారం శ్రీలంకలోని భారత జట్టు నుండి ముంబైలో తన భార్య సంజనా గణేశన్‌ డెలివరీ కోసం వచ్చాడు. దీంతో సోమవారం నేపాల్‌తో జరిగే మ్యాచ్ ను ఆడలేకపోయాడు.