20 కోట్లు.. సన్ రైజర్స్ కు న్యాయం చేస్తారంటారా?

ఆస్ట్రేలియా జట్టు కెప్టెన్ ప్యాట్ కమిన్స్ ఐపీఎల్ వేలంలో చరిత్ర సృష్టించాడు. మినీ వేలంలో కమిన్స్ ఐపీఎల్ చరిత్రలోనే అత్యధిక ధర పలికాడు. వేలం పాటలో కమిన్స్ ను సన్ రైజర్స్ హైదరాబాద్ రూ. 20.50 కోట్ల రికార్డు ధరతో చేజిక్కించుకుంది. కమిన్స్ కోసం సన్ రైజర్స్, రాయల్ చాలెంజర్స్ బెంగళూరు ఫ్రాంచైజీలు హోరాహోరీ తలపడ్డాయి. ప్యాట్ కమిన్స్ కనీస ధర రూ.2 కోట్లు కాగా సన్ రైజర్స్, బెంగళూరు ఫ్రాంచైజీలు వేలంలో పోటీ పడడానికి సిద్ధపడ్డాయి. సన్ రైజర్స్ యజమాని కావ్యా మారన్ ఆసీస్ కెప్టెన్ కోసం ఏ మాత్రం వెనుకాడలేదు. కమిన్స్ రేటు రూ.20.50 కోట్ల మార్కుకు చేరుకుంది. ఆ తర్వాత ఆర్బీబీ వేలం నుంచి విరమించుకోవడంతో, ఈ ఆసీస్ చాంపియన్ కెప్టెన్ సన్ రైజర్స్ సొంతమయ్యాడు. ఐపీఎల్ లో ఇప్పటివరకు అత్యధిక ధర రికార్డు ఇంగ్లండ్ యువ ఆల్ రౌండర్ శామ్ కరన్ పేరిట ఉంది. 2023 సీజన్ కోసం శామ్ కరన్ ను పంజాబ్ కింగ్స్ ఫ్రాంచైజీ ఏకంగా రూ.18.5 కోట్లకు కొనుగోలు చేసింది. ఇప్పుడా రికార్డును ప్యాట్ కమిన్స్ బద్దలుకొట్టాడు. సన్ రైజర్స్ జట్టుకు కమిన్స్ న్యాయం చేస్తాడా అని అభిమానులు సోషల్ మీడియాలో చర్చించుకుంటూ ఉన్నారు.