Paris Olympics 2024 Day 1 India Schedule పారిస్ ఒలింపిక్స్ లో మొదటి రోజు.. ఇండియా షెడ్యూల్ ఇదే!!

పారిస్ ఒలింపిక్స్‌లో తొలి రోజైన శనివారం.. రోవర్ బల్‌రాజ్ పన్వర్, భారత షూటర్లు తమ అదృష్టాన్ని పరీక్షించుకోనున్నారు. భారత పురుషుల హాకీ జట్టు న్యూజిలాండ్‌పై తలపడనుంది. ఈ రోజు బ్యాడ్మింటన్, టెన్నిస్, టేబుల్ టెన్నిస్‌లలో మ్యాచ్‌లు కూడా ఉన్నాయి. బ్యాడ్మింటన్‌లో లక్ష్య సేన్ పురుషుల సింగిల్స్ గ్రూప్ మ్యాచ్‌లో ఆడనున్నాడు. పురుషుల డబుల్స్‌లో సాత్విక్‌సాయిరాజ్ రంకిరెడ్డి, చిరాగ్ శెట్టి జోడీ పోరాటం మొదలవ్వనుంది. రోహన్ బోపన్న, ఎన్ శ్రీరామ్ బాలాజీతో కలిసి పురుషుల డబుల్స్‌లో పాల్గొననున్నాడు. ఇదే తన చివరి ఒలింపిక్స్‌ అని ఇప్పటికే రోహన్ బోపన్న ప్రకటించేశారు.