ఐసీసీ టీ20 ప్రపంచ కప్ లో భాగంగా భారత జట్టు ఆస్ట్రేలియాలో ఉన్న సంగతి తెలిసిందే..! మొదటి మ్యాచ్ లో పాకిస్థాన్ ను ఓడించిన భారత్ రెండో మ్యాచ్ కోసం సమాయత్తమవుతూ ఉంది. ప్రస్తుతం భారత జట్టు సిడ్నీలో ఉంది. అయితే అక్కడ భారత ఆటగాళ్లకు సరైన భోజనం పెట్టలేదని వార్తలు వస్తున్నాయి. ప్రాక్టీస్ తర్వాత సిడ్నీలో టీమ్ ఇండియాకు అందించిన ఆహారం మంచిది కాదని బీసీసీఐ వర్గాలను ఉటంకిస్తూ ఏఎన్‌ఐ బుధవారం నివేదించింది. వారికి కేవలం శాండ్‌విచ్‌లు ఇచ్చారు. సిడ్నీలో ప్రాక్టీస్ సెషన్ తర్వాత భారత ఆటగాళ్లకు అందించిన ఆహారం చల్లగా ఉందని, మంచిది కూడా కాదని ఐసీసీకి చెప్పామని బీసీసీఐ వర్గాలు పేర్కొన్నాయి.''టీమ్ ఇండియాకు అందించే ఆహారం బాగాలేదు. వారికి ఇప్పుడే శాండ్‌విచ్‌లు ఇచ్చారు. సిడ్నీలో ప్రాక్టీస్ సెషన్ తర్వాత అందించిన ఆహారం చల్లగా ఉందని, మంచిది కాదని ఐసిసికి చెప్పారు" అని బీసీసీఐ వర్గాలను ఉటంకిస్తూ ANI నివేదించింది.