ఐసీసీ ర్యాంకింగ్స్ లో దూసుకొచ్చిన తెలుగోడు

ఐసీసీ తాజాగా విడుదల చేసిన టీ20 ర్యాంకింగ్స్‌లో తెలుగు కుర్రాడు తిలక్ వర్మ దూసుకు వచ్చాడు. విండీస్ లో జరిగిన టీ20 టోర్నమెంట్ లో అరంగేట్రంలోనే అదరగొట్టాడు తిలక్ వర్మ. దీంతో అతడు ఐసీసీ ర్యాంకింగ్స్ లో చోటు సంపాదించాడు. విండీస్‌ పర్యటనలో అంతర్జాతీయ కెరీర్‌ను ప్రారంభించిన తిలక్‌ వర్మ (509) పాయింట్లతో 46వ స్థానంలో నిలిచాడు. ప్రస్తుతం అతడి ఆటతీరును చూసి పలువురు ప్రశంసిస్తూ ఉన్నారు. అతడిని రెగ్యులర్ గా ఆడించాలని.. ఆసియా కప్, వన్డే ప్రపంచ కప్ లో అతడికి అవకాశం ఇవ్వాలనే డిమాండ్స్ కూడా బాగా పెరిగిపోయాయి.