బ్రేకింగ్: కరోనా బారిన పడ్డ విరాట్ కోహ్లీ
విరాట్ కోహ్లీకి కొవిడ్ పాజిటివ్ వచ్చినట్లు తెలుస్తోంది. మాల్దీవుల వేకేషన్‌కు వెళ్లొచ్చిన విరాట్ కు పాజిటివ్ వచ్చింది
విరాట్ కోహ్లీకి కొవిడ్ పాజిటివ్ వచ్చినట్లు తెలుస్తోంది. మాల్దీవుల వేకేషన్‌కు వెళ్లొచ్చిన విరాట్ కు పాజిటివ్ వచ్చింది అని వర్గాలు వెల్లడించాయి. ఇంగ్లాండ్ పర్యటనలో భాగంగా అక్కడికి చేరుకోగానే కోహ్లీకి కరోనా పాజిటివ్ వచ్చింది. జూన్ 24 నుంచి లీసెస్టర్‌షైర్‌తో జరిగే భారత జట్టు ప్రాక్టీస్ మ్యాచ్ అనుకున్న విధంగా జరిగేలా కనిపించడం లేదు. కొవిడ్ -19 బారిన పడిన తర్వాత ఆటగాళ్లను ఓవర్‌లోడ్ చేయొద్దని వైద్యుల సలహా ఉండడంతో విరాట్ కోహ్లీ ప్రాక్టీస్ మ్యాచ్ కు అందుబాటులో ఉండే అవకాశాలు కష్టంగా కనిపిస్తూ ఉన్నాయి. ఇక భారత బృందంలో మరిన్ని కోవిడ్ కేసులు ఉండవచ్చనే అనుమానాలు రేకెత్తుతున్నాయి.కోహ్లీ జట్టులో కీలక సభ్యుడిగా ఉండటంతో ఇంగ్లాండ్‌తో జరిగే టెస్టుకు దూరం కావాల్సి వస్తే అది టీమిండియాకు దురదృష్టకరమే. టెస్టుకు ఇంకా సమయం ఉంది కాబట్టి కోహ్లీ కోలుకునే అవకాశాలు కనిపిస్తున్నాయి.