Indian Young Cricketers : మూతి మీద మీసం మొలవకుండానే మోత పుట్టిస్తున్నారు.. సీనియర్లకు ఇక దడే

Indian Young Cricketers :క్రికెట్ జట్టులో యువరక్తం ఉరకలేస్తుంది. అవును.. ఇప్పుడు ఇదే దేశమంతటా చర్చ. యువ క్రికెటర్లు అనుభవం లేకపోయినా.. అప్పుడే అంతర్జాతీయ మ్యాచ్ లో అడుగుపెట్టినా ప్రత్యర్థి ఎవరన్నది చూడటం లేదు. బంతిని బాదటమే లక్ష్యంగా పెట్టుకున్నారు. కొత్త కుర్రాళ్లతో టీం ఇండియా జట్టు మెరిసిపోతుందనే చెప్పాలి. ఎప్పటికైనా కొత్త నీరు వస్తే పాత నీరు వెళ్లినట్లుగానే.. ఫాం కోల్పోయిన సీనియర్ ఆటగాళ్లు వారంతట వారే తప్పుకోవాల్సిన పరిస్థితి తలెత్తింది. అందుకు కొత్తగా టీంలో చేరిన కుర్రాళ్లే కారణం. అందివచ్చిన అవకాశాన్ని రెండు చేతులా అందిపుచ్చుకుంటున్నారు యంగ్ క్రికెటర్లు. మూతి మీద మీసం మొలవకుండానే మోత మోగించేస్తున్నారు. టీం ఇండియాలో యువక్రికెటర్లు సీనియర్లకు భయం పుట్టిస్తున్నారు. వాళ్ల స్థానాలకు ఎసరు పెట్టేస్తున్నారు.