Asaduddin Owaisi: అమాయకులను భారత్ కు పంపమని పుతిన్ కు చెప్పండి: అసదుద్దీన్ ఒవైసీ
భారత ప్రధాని నరేంద్ర మోదీ ప్రస్తుతం రష్యా పర్యటనలో ఉన్నారు
భారత ప్రధాని నరేంద్ర మోదీ ప్రస్తుతం రష్యా పర్యటనలో ఉన్నారు. ఉక్రెయిన్ యుద్ధంలో పోరాడుతున్న భారతీయుల గురించి రష్యా అధ్యక్షుడు వ్లాదిమిర్ పుతిన్ నివేదికలను స్వీకరించాలని AIMIM చీఫ్ అసదుద్దీన్ ఒవైసీ సోమవారం ప్రధాని నరేంద్ర మోదీని కోరారు. నరేంద్ర మోదీ రష్యాలో ఉన్నారు.. ఉక్రెయిన్ యుద్ధంలో పోరాడటానికి రష్యా చేస్తున్న భారతీయుల రిక్రూట్‌మెంట్‌ను ఆపాలి. యుద్ధంలో చిక్కుకున్న అమాయక భారతీయులను వీలైనంత త్వరగా స్వదేశానికి తీసుకురావాలని హైదరాబాద్ ఎంపీ అసదుద్దీన్ డిమాండ్ చేశారు.
మోదీ ప్రస్తుతం పుతిన్‌తో కలిసి ద్వైపాక్షిక శిఖరాగ్ర సమావేశానికి రెండు రోజుల రష్యా పర్యటనలో ఉన్నారు. ఈ ఏడాది మార్చిలో రష్యా-ఉక్రెయిన్ యుద్ధంలో ఇద్దరు భారతీయులు మరణించారని నివేదికలు చెబుతున్నాయి. రష్యన్ పౌరసత్వం ఇస్తామని ఏజెంట్లు మాయ మాటలు చెప్పి రష్యాకు భారతీయులను పంపించారు. గత సంవత్సరంలో దాదాపు 100 మంది భారతీయులను రష్యన్ సైన్యం రిక్రూట్ చేసుకుందనే వార్తలు వెలుగులోకి వచ్చాయి. ఎలాగైనా వారిని తిరిగి భారత్ కు తీసుకుని రావాలంటూ వారి కుటుంబ సభ్యులు భారత ప్రభుత్వాన్ని కోరుతూ ఉన్నారు. విదేశీ వ్యవహారాల మంత్రిత్వ శాఖ (MEA) మాస్కోలోని భారత రాయబార కార్యాలయం ఈ సమస్యను మాస్కోలోని అధికారులు, న్యూఢిల్లీలోని రష్యా రాయబారితో చర్చించింది. మోదీ రష్యా పర్యటనతో వారికి సంబంధించిన ఆచూకీ లభిస్తుందా లేదా అన్నది తెలియాలి.