ఘనంగా మెదక్ చర్చిలో క్రిస్మస్ వేడుకలు ప్రారంభం

చర్చి ఇన్ ఛార్జి బిషప్ రైట్ రెవరెండ్ రూబెన్ మార్క్ భక్తులకు దైవ వాక్యాన్ని ఇచ్చారు. సుమారుగా ఐదు వేల మంది భక్తులు ప్రాతకాల ఆరాధనలో పాల్గొన్నారు.క్రిస్మస్‌‌ సందర్భంగా ఏసుక్రీస్తు జన్మవృత్తాంతాన్ని తెలియజేసేలా చర్చిలో ప్రధాన వేదిక ముందు సంప్రదాయ పద్దతిలో పశువుల పాక ఏర్పాటుచేసి దానికి స్టార్‌‌ ను వేలాడదీశారు. మరో పక్కన పెద్ద సైజు క్రిస్మస్‌‌ ట్రీని ఏర్పాటుచేసి దానిని బెల్స్‌‌, స్టార్స్‌‌, గ్రీటింగ్‌‌ కార్డ్స్‌‌రంగురంగుల బాల్స్‌‌తో అందంగా అలంకరించారు .చర్చిలోని విశాలమైన హాలును రంగురంగుల మెరుపు కాగితాలు, బెలూన్‌‌లు, స్టార్‌‌లతో శోభాయమానంగా అలంకరించారు. తెలంగాణ, ఆంధ్రప్రదేశ్‌‌,కర్నాటక, మహారాష్ట్రల నుంచి భారీ ఎత్తున భక్తులు మెదక్ చర్చికి తరలిరానున్నారు.