కవిత అక్క.. బండి అన్న

బీజేపీ జిల్లా అధ్యక్షుడు బస్వ లక్ష్మీ నర్సయ్య నిజామాబాద్‌లో కొత్త ఇంటిని నిర్మించుకున్నారు. ఆ ఇంటి గృహ ప్రవేశానికి బీజేపీ రాష్ట్ర అధ్యక్షుడు బండి సంజయ్, కల్వకుంట్ల కవితను ఆహ్వానించారు. అయితే ఒకేసారి ఇద్దరు నేతలు ఆ శుభకార్యానికి హాజరయ్యారు. ఇరువురు నేతలూ పరస్పరం తారసపడగా ఆత్మీయంగా పలకరించుకున్నారు. యోగక్షేమాలు అడిగి తెలుసుకున్నారు. పలువురిని ఎమ్మెల్సీ కవిత బండి సంజయ్‌ కుమార్‌కు పరిచయం చేశారు. బండి సంజయ్ లక్ష్మీ నర్సయ్య కుటుంబాన్ని పలకరిస్తుండగా, కవిత కూడా అదే సమయంలో నివాసంలోకి వెళ్లారు. ఎదురెదురు పడితే ముఖం తిప్పేసుకోకుండా.. ఒకరినొకరు పలకరించుకున్నారు. BRS నిజామాబాద్ అర్బన్ ఎమ్మెల్యే బిగాల గణేష్ గుప్తా, జిల్లా పరిషత్ చైర్మన్ దాదన్నగారి విట్టల్ రావును బండి సంజయ్‌కు కవిత పరిచయం చేశారు. కొద్ది నిమిషాల పాటు మాట్లాడుకుని.. అక్కడి నుంచి వెళ్లిపోయారు.