జీవన్ రెడ్డి సంచలన నిర్ణయం...మల్లికార్జున ఖర్గే కు లేఖ

ఆయన మీడియా సమావేశంలో మాట్లాడుతూ కాంగ్రెస్ ప్రభుత్వం తీసుకుంటున్న చర్యలు తనను తీవ్ర మనోవేదనకు గురిచేశాయన్నారు. అందుకే మల్లికార్జున ఖర్గేకు లేఖ రాశారన్నారు. బీఆర్ఎస్ కు అత్యంత సన్నిహితుడిగా ఉండి, గతంలో కాంగ్రెస్ నుంచి ఫిరాయింపులను ప్రోత్సహించిన పోచారం శ్రీనివాసులురెడ్డిని సయితం పార్టీలో చేర్చుకున్నారన్నారు. దీనివల్ల కాంగ్రెస్ లో సుదీర్ఘకాలం నుంచి కొనసాగుతున్న తమ లాంటి వాళ్లకు ఇబ్బందులు కలుగుతాయని ఆయన అన్నారు. పార్టీ మారిన ఎమ్మెల్యేలపై చర్యలు తీసుకోవాల్సిందేనని ఆయన మరోసారి కోరారు. పార్టీ మారిన ఎమ్మెల్యేలకే ప్రత్యేక గుర్తింపు ఇస్తున్నారన్నారు.