మండే ఎండలు : ఒంటిపూట బడులు షురూ
తెలంగాణలో మార్చి 15వ తేదీ నుంచి ఒంటి పూట బడులను నిర్వహించాలని విద్యాశాఖ ఉత్తర్వులు జారీ చేసింది.
ఎండలు అదిరిపోతున్నాయి. మార్చి నెల ఆరంభంలోనే 35 డిగ్రీలకు చేరుకున్నాయి. ఈ నేపథ్యంలో తెలంగాణ ప్రభుత్వం పాఠశాలలకు ఒంటిపూట తరగతులను నిర్వహించాలని నిర్ణయించింది. మార్చి 15వ తేదీ నుంచి ఒంటి పూట బడులను నిర్వహించాలని తెలంగాణ విద్యాశాఖ ఉత్తర్వులు జారీ చేసింది.
వేవసి సెలవులు...
ఏప్రిల్ 25వ తేదీ నుంచి పాఠశాలలకు వేసవి సెలవులు ప్రకటించారు. ఈ నెల పదిహేనో తేదీ నుంచి ఉదయం 7.45 గంటల నుంచి మధ్యాహ్నం 12 గంటల వరకూ మాత్రమే తరగతులను నిర్వహించనున్నారు. ఎండల తీవ్రత ఎక్కువగా ఉన్న నేపథ్యంలో పాఠశాలల్లో విద్యార్థులకు స్వచ్ఛమైన తాగునీటిని అందుబాటులో ఉంచాలని ఆదేశించారు.