తెలంగాణలో అసెంబ్లీ ఎన్నికలు ఆలస్యం అవుతాయా? ఎందుకు?

కాగా, ఈ సారి జమిలి ఎన్నికల ఆశం కేంద్ర ప్రభుత్వం లేనెత్తింది. కేంద్రం జమిలీ ఎన్నికలకు ప్రణాళికలు వేస్తోంది. ఈ కారణం వల్ల ప్రత్యేకంగా రాజ్యాంగ సవరణ చేసి డిసెంబర్‌లో జరగనున్న ఐదు రాష్ట్రాల ఎన్నికలు ఆలస్యం చేయనున్నారనే వార్తలు వినిపిస్తున్నాయి. ఒకవేళ నిజంగానే ఇలా ఆలస్యం చేస్తే తెలంగాణలో రాజకీయ పరిస్థితి ఏంటీ అనే ప్రశ్నలు తలెత్తుతున్నాయి.

జమిలీ ఎన్నికల కోసం రాజ్యాంగ సవరణ చేసినట్లైతే.. ఎన్నికలు వచ్చే ఏడాది మే నెలలో నిర్వహిస్తారు. తెలంగాణలో ప్రస్తుతం ఉన్న అసెంబ్లీ పదవీ కాలం జనవరి రెండో వారానికి ముగుస్తుంది. మరి జమిలీ ఎన్నికలు జరిగినట్లయితే తెలంగాణ ప్రభుత్వం జనవరితో ముగియనుంది. అప్పుడు మే నెల వరకు ప్రభుత్వ పాలనను పొడిగించే అవకాశం ఉండదు. అలాంటప్పుడు ఏ పాలన విధిరన్నది ప్రశ్న. అప్పుడు ప్రజాప్రతినిధులు గానీ, ప్రభుత్వం గానీ ఉండదు. ముఖ్యమంత్రి కూడా ఉండరు. రాజ్యాంగ సవరణలో ప్రభుత్వ పదవీ కాలాన్ని ఆరు నెలలు పొడగిస్తూ ఏదైనా మార్పులు చేసినట్లైతే.. అప్పుడు అవకాశాలు ఉండే అవకాశం ఉంటుంది. కానీ ప్రస్తుత రాజ్యాంగం ప్రకారం ఏర్పాటైన ప్రభుత్వాన్ని కొత్తగా చేసే సవరణలతో పొడగిస్తే ఎలా ఉంటుందనే ప్రశ్న తలెత్తుతోంది. ఐదేళ్లపాటు ఉండే ప్రభుత్వాన్ని మళ్లీ పొడిగించేందుకు రాజ్యంగం ఒప్పుకోదు. అలాంటి పరిస్థితుల్లో రాష్ట్రపతి పాలన విధించే అవకాశాలు ఉంటాయి.

అయితే ఇటీవల కాలంలో రాష్ట్రపతి పాలన విధించిన సంఘటనలు ఎక్కడలేవు. ఒక వేళ జమిలీ ఎన్నికల కోసం ప్రభుత్వ పదవీ కాలాన్ని పొడగించినట్లేతే బీఆర్ఎస్ ఇష్టం లేకున్నా తప్పకుండా అంగీకరించాల్సి ఉంటుంది. కానీ రాష్ట్రపతి పాలనను మాత్రం వ్యతికించే అవకాశం ఉంటుంది. ఈ నేపథ్యంలో పార్లమెంట్ ప్రత్యేక సమావేశాల్లో ఎలాంటి నిర్ణయం తీసుకుంటారనే దానిపై ఉత్కంఠ నెలకొంది. మరి జమిలీ ఎన్నికలు అమలు అవుతాయా? లేదా అన్నది వేచి చూడాలి.