ప్రగతి భవన్ లో సోదాలు చేయాలి : షర్మిల

గత కొన్నిరోజులుగా తన పాదయాత్రను అడ్డుకునేందుకు టీఆర్ఎస్ ఎన్ని ప్రయత్నాలు చేసిందో గవర్నర్ కు వివరించానని షర్మిల తెలిపారు. ఆమె రాజ్‌భవన్ లో గవర్నర్ తమిళిసై సౌందర్యరాజన్ ను కలిసిన అనంతరం మీడియాతో మాట్లాడారు. నర్సంపేటలో తమ పార్టీకి చెందిన వాహనాలకు నిప్పంటించిన విషయాన్ని గవర్నర్ దృష్టికి తీసుకెళ్లానన్నారు. శాంతిభద్రతల సమస్య సాకుగా చూపించి తనను అరెస్ట్ చేసి హైదరాబాద్ కు తీసుకు వచ్చారన్నారు. పాదయాత్ర చేస్తే ఊరుకోబోమని ఎమ్మెల్యేలు హెచ్చరిస్తున్నారన్నారు. తన మీద దాడి జరిగితే పోలీసులదే బాధ్యత అని ఆమె తెలిపారు. సుప్రీంకోర్టు న్యాయమూర్తి, హైకోర్టు న్యాయమూర్తికి రాయబోతున్నానని ఆమె తెలిపారు.