Hyderabad : ఏడేళ్ల తర్వాత కలిసిన చంద్రబాబు, రేవంత్

అయితే 2018 ఎన్నికల్లో మహాకూటమిలో తెలుగుదేశం పార్టీ చేరడంతో ఇక్కడకు ప్రచారానికి చంద్రబాబు వచ్చారు. రాహుల్ గాంధీతో కలసి హైదరాబాద్ నగరంలో ప్రచారంలో కూడా పాల్గొన్నారు. అయితే 2017 తర్వాత రేవంత్ రెడ్డి, చంద్రబాబు ఇద్దరూ ముఖాముఖి కలిసిన సందర్భాలు లేవు.ఆ తర్వాత పరిణామాలు వేగంగా మారిపోయాయి. 2018 ఎన్నికల్లో ఇక్కడ కాంగ్రెస్ అధికారంలోకి రాలేదు. అక్కడ 2019 లో టీడీపీ పవర్ లోకి రాలేదు. దీంతో ఎవరి రాష్ట్రంలో వారు ఉండిపోయారు. కలుసుకునే అవకాశాలు కూడా లేదు. ఇప్పుడు తాజాగా ఇక్కడ కాంగ్రెస్ అధికారంలోకి రావడం, రేవంత్ ముఖ్యమంత్రి అవ్వడం, అక్కడ టీడీపీ అధికారంలోకి వచ్చి చంద్రబాబు ముఖ్యమంత్రి కావడంతో ఇద్దరు ఏడేళ్ల తర్వాత ముఖ్యమంత్రుల హోదాలో తొలిసారి కలిశారు.