Caste Census : తెలంగాణలో కులగణన ఎంత వరకూ వచ్చిందయ్యా..అంటే?

డేటా ఎంట్రీతో సహా...

అయితే మంగళవారం నాటికి తెలంగాణలో కులగణన 94.9 శాతం పూర్తయిందని అధికారులు తెలిపారు. కేవలం 27 రోజుల్లో 1,11, 488 కుటుంబాల గణనను పూర్తి చేసినట్లు అధికారులు వెల్లడించారు. వీటిలో దాదాపు ఎనభై లక్షలకు సంబంధించి కులగణన సర్వే వివరాలను డేటా ఎంట్రీ కూడా పూర్తయింది. అంటే మంగళవారం వరకూ 67.8 శాతం డేటా ఎంట్రీ పూర్తయింది. అయితే తెలంగాణలోని గ్రామీణ ప్రాంతాల్లో కులగణన సర్వేకు ప్రజలు సహకరిస్తున్నారని సిబ్బంది చెబుతున్నారు. తమ వివరాలను ఎలాంటి ఇబ్బందులు లేకుండా చెబుతున్నారు. కానీ సిటీలో మాత్రం ఫ్రిజ్ ఉందా? కారు ఉందా? సొంత ఇల్లు ఉందా? ద్విచక్ర వాహనం ఉందా? అనే వివరాలను మాత్రం చెప్పడానికి హైదరాబాద్ లో ప్రజలు చెప్పేందుకు ఇష్టపడటం లేదు.

రాష్ట్రంలో వందశాతం పూర్తయిన...

తెలంగాణలో మొత్తం 33 జిల్లాలుండగా మంగళవారం వరకూ పదిహేను జిల్లాల్లో వంద శాతం కులగణన సర్వే పూర్తయింది. ములుగు, నారాయణపేట, రాజన్న సిరిసిల్ల, జనగాం, ఖమ్మం, నల్గొండ, జగిత్యాల, జయశంకర్ భూపాలపల్లి, జోగులాంబ గద్వాల, మహబూబాబాదు, పెద్దపల్లి, మెదక్, వనపర్తి, కుమరంభీం ఆసిఫాబాద్, భద్రాచలం కొత్తగూడెం జిల్లాలు వంద శాతం సర్వే పూర్తయిందని అధికారులు తెలిపారు. మిగిలిన జిల్లాల్లో కూడా త్వరితగతిన సర్వే పూర్తి చేసి డేటా ఎంట్రీ పూర్తి చేయాలని అధికారులను ఆదేశించారు. మరోవైపు హైదరాబాద్ నగరంలో మాత్రం పూర్తి స్థాయి వివరాలు మాత్రం అందడం లేదని, ఇంకా కొంతకాలం పట్టే అవకాశముందని అధికారులు వెల్లడించారు.