ముందస్తు ఎన్నికలు రావు.. అంత దమ్ములేదు

మంత్రి కేటీఆర్ మునుగోడును దత్తత తీసుకుంటానని చెబుతున్నాడని, అది ఏమైనా పక్క రాష్ట్రంలో ఉందా? అని షర్మిల ప్రశ్నించారు. కాళేశ్వరం ప్రాజెక్టులో పెద్దయెత్తున అవినీతి జరిగిందని ఆమె అన్నారు. అద్భుతమైన ప్రాజెక్టు అంటూ అద్భుతంగా మోసం చేశాడని ఆమె విమర్శించారు. కేసీఆర్ కమీషన్ల కోసమే ప్రాజెక్ట్ ల రీ డిజైన్లకు పూనుకున్నారని షర్మిల అన్నారు. దేశంలోనే అతి పెద్ద స్కాంగా షర్మిల అభివర్ణించారు. కాంట్రాక్టర్లకు దోచిపెట్టడానికే ప్రాజెక్టులను రీ డిజైన్ చేశారన్నారు. తాను కాళేశ్వరంపై ఢిల్లీకి వెళ్లి సీబీఐకి ఫిర్యాదు చేశామని, కాగ్ కు కూడా నివేదిక ఇచ్చామని తెలిపారు. రేవంత్ రెడ్డి మీడియా హౌస్ లను మెయిన్‌టెయిన్ చేస్తూ నెట్టుకొస్తున్నారని ఫైర్ అయ్యారు.