బాబు బుర్ర చెడిపోయింది

బాలల దినోత్సవం రోజున దీక్షకు దిగుతానన్న చంద్రబాబు మైండ్ చెడిపోయిందని మంత్రి బొత్స సత్యనారాయణ విమర్శించారు. ఇసుక కొరత వరదల వల్లనే వచ్చిందన్నారు. సుజనా చౌదరి, చంద్రబాబు వల్లనే దేశ పటంలో అమరావతికి స్థానం లేకుండా పోయిందని బొత్స సత్యనారాయణ అన్నారు. బీజేపీలో చేరిన తోకలన్నీ వైసీపీని విమర్శిస్తున్నాయన్నారు. ఇసుక కొరత సమస్యను త్వరలోనే అధిగమిస్తామని బొత్స సత్యనారాయణ చెప్పారు. సుజనాచౌదరి చంద్రబాబు తోక అన్నారు. చంద్రబాబు దోపిడీ వల్లనే రాష్ట్రానికి ఈ గతి పట్టిందన్నారు. రాజకీయాల్లో యాక్షన్ పనికి రాదని పవన్ కల్యాణ్ ను ఉద్దేశించి బొత్స వ్యాఖ్యానించారు. సమయం సందర్భం లేకుండా మాట్లాడితే ప్రజలు హర్షించరని తెలిపారు.