సత్తిబాబు మళ్లీ అనేశారు

బొత్స సత్యనారాయణ రాజధానిపై మళ్లీ వివాదం రేపారు. రాజధానిపై నియమించిన నిపుణుల కమిటీ త్వరలో రాష్ట్రమంతటా పర్యటిస్తుందని బొత్స సత్యనారాయణ తెలిపారు. అంతేకాదు రాజధాని ఎక్కడ ఉండాలో? ఎక్కడ నిర్మించాలో? కమిటీ చెబుతుందని బొత్స సత్యనారాయణ వివాదాస్పద వ్యాఖ్యలు చేశారు. అమరావతి ప్రాంతంలోనూ కమిటీ పర్యటిస్తుందని బొత్స సత్యనారాయణ మీడియా సమావేశంలో వ్యాఖ్యానించారు. ఇప్పటికే రాజధాని విషయంలో బొత్స సత్యనారాయణ గతంలో చేసిన వ్యాఖ్యలు వివాదమయ్యాయి. తాజాగా చేసిన వ్యాఖ్యలతో రాజధానిని ఎక్కడ నిర్మించాలో కమిటీ చెబుతుందని చెప్పడం వివాదంగా మారనుంది.