బ్రేకింగ్ : ఆంధ్రప్రదేశ్ లో తగ్గుతున్న కరోనా…. మరణాలు కూడా

ఆంధ్రప్రదేశ్ లో కరోనా వైరస్ వ్యాప్తి తగ్గుముఖం పట్టింది. రోజుకు పదివేలు కేసులు గతంలో నమోదయ్యేవి. అయితే గత వారం రోజులుగా కేసుల సంఖ్య తగ్గుతూ వస్తుంది. తాజాగా ఆంధ్రప్రదేశ్ లో 7,855 కరోనా పాజిటివ్ కేసులు నమోదయ్యాయి. 52మంది కరోనా కారణంగా మరణించారు. దీంతో ఆంధ్రప్రదేశ్ లో మొత్తం కరోనా పాజిటివ్ కేసుల సంఖ్య 6,54,385 కు చేరుకుంది. ఇప్పటి వరకూ కరోనా బారిన పడి ఆంధ్రప్రదేశ్ లో 5,558 మంది మరణించారు. ప్రస్తుతం ఆంధ్రప్రదేశ్ లో 69,353 యాక్టివ్ కేసులున్నాయి. కరోనా బారిన పడి కోలుకుని ఆంధ్రప్రదేశ్ లో ఇప్పటి వరకూ 5,79,474 డిశ్చార్జ్ అయ్యారు. ఈ మేరకు ఏపీ వైద్య శాఖ హెల్త్ బులిటెన్ విడుదల చేసింది.