జానారెడ్డికి మా అవసరమా?

సీనియర్ నేత జానారెడ్డికి వేరొక నేత ప్రచారం చేయాల్సిన అవసరం లేదని కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి అన్నారు. జానారెడ్డి మూడు దశాబ్దాలుగా రాజకీయాల్లో ఉన్నారని, సీనియర్ నేత అని, సాగర్ నియోజకవర్గంలో పట్టున్న నేత అని రాజగోపాల్ రెడ్డి ప్రశంసిచారు. కాంగ్రెస్ లో అందరూ లీడర్లేనని, ఒక లీడర్ కు మరొక లీడర్ ప్రచారం చేయాల్సిన అవసరం లేదన్నారు. ఇటీవల జరిగిన పట్టభద్రుల ఎమ్మెల్సీ ఎన్నికల్లో టీఆర్ఎస్ గెలుపు నిజం కాదని అన్నారు. ఫైటర్స్ వైపు ప్రజలు ఉంటారనడానికి తీన్మార్ మల్లన్న ఉదాహరణ అని రాజగోపాల్ రెడ్డి అన్నారు. కాంగ్రెస్ లో ఎప్పుడైనా ఏదైనా జరగొచ్చని ఆయన అభిప్రాయపడ్డారు.