జగన్ సమావేశం.. రాజుగారు హాజరవుతారా?

నేడు వైసీపీ ఎంపీలతో ముఖ్యమంత్రి జగన్ సమావేశం కానున్నారు. పార్లమెంటు సమావేశాల్లో అనుసరించాల్సిన వ్యూహంపై చర్చించనున్నారు. అయితే ఈ సమావేశానికి రెబల్ ఎంపీ రఘురామకృష్ణంరాజు హాజరవుతారా? లేదా? అన్నది ఆసక్తికరంగా మారింది. వైసీపీ పార్లమెంటు సమావేశాలకు తాను హాజరవుతానని రఘురామకృష‌‌్ణంరాజు చెప్పారు. అయితే జగన్ సమావేశానికి ఆయనకు ఆహ్వానం ఏదీ పంపలేదని తెలుస్తోంది. కొంతకాలంగా రఘురామకృష్ణంరాజు పార్టీపై విమర్శలు చేస్తున్న నేపథ్యంలో ఆయన సమావేశానికి హాజరవుతారా? లేదా? అన్నది ఉత్కంఠగా మారింది.

ప్రత్యేక హోదాపైన…..

పార్లమెంటులో ప్రస్తావించాల్సిన అంశాలపై జగన్ దిశానిర్దేశం చేయనున్నారు. ముఖ్యంగా ప్రత్యేక హోదా అంశంపై పార్లమెంటు సమావేశాల్లో చర్చకు పట్టుబట్టాలని జగన్ ఆదేశించనున్నారు. అలాగే పోలవరం నిధులతో పాటు వివిధ పథకాల కింద రావాల్సిన నిధులపై కూడా కేంద్రం నుంచి క్లారిటీ తీసుకోవాలని జగన్ ఎంపీలకు సూచించనున్నారు.