Ys Sharmila : రాహుల్, జగన్ మీటింగ్ పై షర్మిల ఏమన్నారంటే?

రాహుల్ గాంధీ, జగన్ కలుస్తారు అనే విషయంపై ఏపీ కాంగ్రెస్ చీఫ్ వైఎస్ షర్మిల క్లారిటీ ఇచ్చారు. వారిద్దరూ కలుస్తారని ప్రచారం జరగడం అవాస్తవమని తెలిపారు స్వాతంత్ర్య దినోత్సవం సందర్భంగా జెండాను ఆవిష్కరించిన అనంతరం వైఎస్ షర్మిల మాట్లాడుతూ ఎంతో మంది త్యాగాల ఫలితం మనకు సిద్ధించిన స్వాతంత్ర్యం మహనీయులకు అందరికీ కాంగ్రెస్ పార్టీ పక్షాన ఘన నివాళులు తెలుపుతున్నామని చెప్పారు. గత 10ఏళ్లుగా బీజేపీ ఈ దేశంలో అధికారంలో ఉందని, ఈ దేశానికి స్వాతంత్ర్యం తెచ్చింది, ప్రగతికి పునాదులు వేసింది కాంగ్రెస్ పార్టీయేనని అన్నారు. బీజేపీ మత తత్వ పార్టీ అని, బీజేపీ అరాచకాలు మనం 10 ఏళ్లుగా చూస్తున్నామని, హర్ ఘర్ తిరంగ అని మోడీ ఒక క్యాంపెయిన్ మొదలు పెట్టారని, దేశ భక్తి ఉన్నట్లు బీజేపీ సర్టిఫై చేస్తుందట అని వైఎస్ షర్మిల ఎద్దేవా చేశారు. ఈ దేశానికి స్వాతంత్ర్యాన్ని, జాతీయ జెండాన్ని బీజేపీ, ఆర్ఎస్ఎస్ అవమానించిందని తెలిపారు. మూడు రంగుల జెండాను గౌరవించం అని చెప్పిందన్నారు.