Volunteer Jobs:వాలంటీర్ ఉద్యోగాలు.. చంద్రబాబు నాయుడు చెబుతోంది ఇదే!!

శ్రీ సత్యసాయి జిల్లా పెనుకొండ నియోజవర్గంలో టీడీపీ 'రా.. కదలిరా’ బహిరంగ సభలో చంద్రబాబు ఈ వ్యాఖ్యలు చేశారు. రాష్ట్రాన్ని కాపాడుకోవాలని ప్రజలంతా అంటున్నారని.. అహంకారంతో రాష్ట్రాన్ని విధ్వంసం చేసిన వ్యక్తిని ఇంటికి పంపాలని చంద్రబాబు పిలుపునిచ్చారు. రాష్ట్రంలో 100 సంక్షేమ కార్యక్రమాలు తీసుకువచ్చిన పార్టీ తెలుగుదేశం పార్టీ అని.. టీడీపీతో వైసీపీకి పోలికే లేదని అన్నారు చంద్రబాబు. రాష్ట్రాన్ని కాపాడేందుకు టీడీపీ జనసేన కలిసిందని, తమ స్వార్ధం కోసం కాదని అన్నారు. హత్యలకు పాల్పడే వ్యక్తులు ముఖ్యమంత్రి పదవికి అర్హులు కారని అన్నారు. రాజకీయ రౌడిలకు బుద్ధి చెప్పిన పార్టీ టీడీపీ అని అన్నారు. రాష్ట్రాన్ని అన్ని రంగాల్లో అభివృద్ధి చేయడానికి ఎలాంటి త్యాగానికైనా సిద్ధమని తెలిపారు.