Chandrababu : కేబినెట్ లో చంద్రబాబు సీరియస్... మంత్రులకు చీవాట్లు

అలాగయితే ఉచిత ఇసుక విధానం లక్ష్యం ఎలా నెరవేరుతుందని చంద్రబాబు ప్రశ్నించారు. భవన నిర్మాణాల్లో ఇసుక భారం కాకూడదని ప్రభుత్వం ఈ విధానాన్ని తీసుకు వస్తే దానిని కొందరు నీరు గార్చే విధంగా ప్రయత్నించడమేమిటని నిలదీసినట్లు తెలిసింది. పేర్లు నేరుగా ప్రస్తావించకపోయినా ఎవరెవరు జోక్యం చేసుకుంటున్నారో తమ దృష్టికి వచ్చిందని, తీరు మార్చుకోకుంటే చర్యలు తప్పవని హెచ్చరించినట్లు తెలిసింది. ఉచిత ఇసుక విధానంలో నిర్లక్ష్యాన్ని ప్రభుత్వం సహించబోదని చంద్రబాబు మరోసారి మంత్రులకు, అధికారులకు స్పష్టం చేసినట్లు సమాచారం.