Tiruamala : గుడ్ న్యూస్.. శనివారమయినా తిరుమలలో రద్దీ లేదుగా

మరోవైపు నేడు తిరుమలలో అన్న ప్రసాదాల కాంటిన్ల వద్ద రద్దీని తగ్గించేలా ఏర్పాట్లు చేస్తున్నారు. వచ్చిన అందరికీ అన్న ప్రసాదం అందేలా చూడాలని ఇప్పటికే అధికారులు సిబ్బందిని ఆదేశించారు. లడ్డూ కౌంటర్ల వద్ద కూడా అవసరమైతే కౌంటర్ల సంఖ్యను పెంచి ఎక్కువ సమయం లడ్డూల కోసం వేచి చూడకుండాచూడాలని అధికారులను ఆదేశించారు. ఈరోజు తిరుమలలోని వైకుంఠం క్యూ కాంప్లెక్స్ లోని కంపార్ట్ మెంట్ లన్నీ ఖాళీగానే ఉన్నాయి. స్వామి వారి చెంతకు నేరుగా దర్శనం చేసుకుంటున్నారు. ఉదయ ఏడు గంటలకు టోకెన్లు లేకుండా సర్వ దర్శనం క్యూ లైన్ లోకి ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు.టైమ్ స్లాట్ దర్శనం భక్తులకు శ్రీవారిదర్శనం రెండు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 56,550 మంది భక్తులు శ్రీవారిని దర్శించుకున్నారు. వీరిలో 28,853 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.34 కోట్ల రూపాయల ఆదాయం వచ్చిందని అధికారులు వెల్లడించారు.