Tirumala : తిరుమలలో నేడు కూడా భక్తుల రద్దీ ఎలా ఉందంటే?
తిరుమలలో భక్తుల రద్దీ ఈరోజు సాధారణంగానే ఉంది. పెద్దగా రష్ లేదు
తిరుమలలో భక్తుల రద్దీ ఈరోజు సాధారణంగానే ఉంది. పెద్దగా రష్ లేదు. గురువారం కావడంతో భక్తుల సంఖ్య అంతగా లేదు. అదే సమయంలో తుపాను హెచ్చరికలు కూడా భక్తుల రాకను తిరుమలకు తగ్గించేశాయి. దీంతో పెద్దగా కష్టపడకుండానే, ఎక్కువ సమయం వేచి ఉండకుండానే శ్రీవారి దర్శనం భక్తులు చేసుకుంటున్నారు. గత కొద్ది రోజుల నుంచి తిరుమలలో భక్తుల రద్దీ తక్కువగానే ఉంది. దాదాపు రెండు వందల రైలు సర్వీసులు రద్దు కావడం కూడా తిరుమలలో భక్తుల రద్దీ తగ్గడానికి ఒక కారణంగా చెబుతున్నారు. తుపాను తీవ్రత ఎలా ఉంటుందో తెలియని భక్తులు ముందుగా బుక్ చేసుకున్న వారు కూడా వాయిదా వేసుకున్నారని తెలిసింది. ఈరోజు రాత్రికి తుపాను తీరం దాటనుందన్న వార్తలతో ప్రజలు భయపడి తిరుమలకు చేరుకోవడం తగ్గిందని తెలిపారు. చుట్టు పక్కల జిల్లాల నుంచి మాత్రమే ఎక్కువ సంఖ్యలో భక్తులు తిరుమలకు చేరుకుంటున్నారని తిరుమల తిరుపతి దేవస్థానం అధికారులు తెలిపారు.