Tirumala : తిరుమల లడ్డూ వివాదంలో అనేక సందేహాలు.. అనేక అనుమానాలు

కానీ చివరకు సుప్రీంకోర్టుకు ఈ వివాదం చేరడంతో నేడు కీలక నిర్ణయం రానుంది. రాష్ట్ర ప్రభుత్వం ఏర్పాటు చేసిన స్పెషల్ ఇన్విస్టిగేషన్ టీంతో విచారణ కొనసాగించాలా? లేక స్వతంత్ర దర్యాప్తు సంస్థకు ఈ వివాదంపై విచారణను అప్పగించాలా? అన్న దానిపై నేడు సుప్రీంకోర్టులో నిర్ణయం వెలువరించనుంది. రాష్ట్ర ప్రభుత్వం ఏర్పాటు చేసిన సిట్ బృందం తమ విచారణను కూడా వాయిదా వేసుకుంది. సుప్రీంకోర్టు తీర్పు వచ్చిన తర్వాత ముందుకు వెళ్లాలని నిర్ణయించడంతో నేడు అందరి చూపు సుప్రీం కోర్టు నిర్ణయంపైనే ఉంది. సిట్ దర్యాప్తు చేపడుతుందా? లేదా స్వతంత్ర దర్యాప్తు సంస్థ విచారణ జరుపుతుందా? అన్నది తేలనుంది.

వీటన్నింటికి సమాధానాలు దొరికితేనే తిరుమల లడ్డూ వివాదానికి తెరపడుతుంది. ఈ ప్రశ్నలకు సరైన జవాబులు రానంత కాలం తిరుమల లడ్డూ వివాదం కొనసాగుతూనే ఉంటుంది. అధికార పార్టీ లడ్డూ లో కల్తీ జరిగిందని, వైసీపీ లేదంటూ వాదనలకు దిగే అవకాశముంది. ఈ నేపథ్యంలో ఈ ప్రశ్నలకు సమాధానం చెప్పాల్సిన బాధ్యత తిరుమల తిరుపతి దేవస్థానంపైనే ఉంది. సుప్రీంకోర్టు చేసిన కామెంట్స్ తో వైసీపీ ఒకింత పండగ చేసుకుంటున్నప్పటికీ రేపటి విచారణ, తీర్పు పై అన్ని రాజకీయ పార్టీల్లో ఉత్కంఠ నెలకొంది.