లోకేష్ పాదయాత్రకు ముహూర్తం ఖరారు.. జనవరి 27 నుండి ప్రారంభం
మాజీ ముఖ్యమంత్రి చంద్రబాబు ఇలాకా అయిన చిత్తూరు జిల్లా కుప్పం నియోజకవర్గం నుండి పాదయాత్ర మొదలుకానుంది. లోకేష్..
nara lokesh padayatra
టీడీపీ నేత, ఆ పార్టీ ప్రధాన కార్యదర్శి నారా లోకేష్ పాదయాత్రకు ముహూర్తం ఖరారైంది. వచ్చే ఏడాది జనవరి 27 నుండి నారా లోకేష్ పాదయాత్ర ప్రారంభం కానుంది. మాజీ ముఖ్యమంత్రి చంద్రబాబు ఇలాకా అయిన చిత్తూరు జిల్లా కుప్పం నియోజకవర్గం నుండి పాదయాత్ర మొదలుకానుంది. లోకేష్ పాదయాత్రకు సంబంధించి రూట్ మ్యాప్ కూడా రెడీ అయింది. ఏడాది కాలం పాటు ప్రజల మధ్య ఉండేలా పాదయాత్ర ప్లాన్ చేశారు.
ఈ పాదయాత్రలో రాష్ట్రంలో రైతాంగం, మహిళలు ఎదుర్కొంటున్న సమస్యలు లేవనెత్తి ప్రజల్లో చైతన్యం తీసుకురావాలని లోకేష్ భావిస్తున్నారు. ఈ పాదయాత్రలో యువతను పెద్దఎత్తున భాగస్వామ్యం చేయాలని భావిస్తున్నారు. ఈ యాత్ర కోసం పార్టీలోని యువనేతలు గ్రౌండ్ వర్క్ ప్రిపేర్ చేస్తున్నారు. ఏపీ రాజకీయాల్లో మార్పులు జరిగి ముందస్తు ఎన్నికలు వస్తే మాత్రం.. ఈ షెడ్యూల్ లో మార్పులు జరిగే అవకాశం ఉంది.