Tirumala : తిరుమలలో మళ్లీ పెరిగిన రద్దీ.. నేడు దర్శన సమయం ఎంతంటే?

అందుకే మంగళవారం అయినా శ్రీవారిని దర్శించుకోవడం కోసం అధిక సంఖ్యలో భక్తులు తరలి వచ్చారు. భక్తులు ఎలాంటి ఇబ్బందులు పడకుండా టీటీడీ అధికారులు అన్ని చర్యలు తీసుకుంటున్నారు. అన్నప్రసాదాల సత్రం వద్ద, లడ్డూ కౌంటర్ల వద్ద ప్రత్యేక ఏర్పాట్లు చేశారు. వసతి గృహాల కోసం కూడా కొంత సేపు వెయిట్ చేయాల్సి ఉంటుంది. ఈరోజు తిరుమలలోని వైకుంఠం క్యూ కాంప్లెక్స్ లోని ఏడు కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పది నుంచి పన్నెండు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు మూడు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 63,637 మంది భక్తులు దర్శించుకున్నారు. వీరిలో 24,016 మందిభక్తులు తమ తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 4.20 కోట్ల రూపాయల ఆదాయం వచ్చిందని అధికారులు తెలిపారు.