పెరిగిన రద్దీ... కారణమిదే
తిరుమలలో భక్తుల రద్దీ పెరిగింది. సోమవారం భక్తుల రద్దీ పెరగడంతో టీటీడీ ప్రత్యేక ఏర్పాట్లు చేసింది.
తిరుమలలో భక్తుల రద్దీ పెరిగింది. సోమవారం భక్తుల రద్దీ పెరగడంతో టీటీడీ ప్రత్యేక ఏర్పాట్లు చేసింది. వైకుంఠం క్యూ కాంప్లెక్స్ లోని పది కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. సర్వ దర్శనం క్యూ లైన్ లో ఉన్న భక్తులకు ఐదు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. అదే సమయంలో సర్వ దర్శనం టోకెన్లు లేని భక్తులకు 24 గంటల దర్శన సమయం పడుతుందని అధికారులు వెల్లడించారు.
ప్రత్యేక దర్శనం...
మూడు వందల రూపాయల శీఘ్ర దర్శనం టిక్కెట్లు కొనుగోలు చేసిన భక్తులకు దర్శనం రెండు నుంచి మూడు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 81,170 మంది భక్తులు స్వామి వారిని దర్శించుకున్నారు. వీరిలో 27,236 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 4.23 కోట్ల రూపాయలు వచ్చిందని అధికారులు వెల్లడించారు.