అంబులెన్స్ ను వాడుతున్న లోకల్ 'పుష్ప'

నెల్లూరు జిల్లా వింజమూరుకు చెందిన రమణారెడ్డి అనే వ్యక్తి తమిళనాడుకు చెందిన ఏలగిరి అనే మేస్త్రీ ద్వారా కూలీలను సమకూర్చుకున్నాడు. అక్కడ నుంచి ప్రసాద్ అనే వ్యక్తి తమిళ కూలీలను తీసుకుని అనంతపురం, గుత్తి మీదుగా తిరుపతి చేరుకున్నారు. అక్కడ నుంచి బాలపల్లి అటవీ ప్రాంతానికి పంపిస్తున్నారని విచారణలో తేలింది. బాలపల్లిలో దుంగలు తీసుకుని అంబులెన్సులోకి ఎక్కించే వారు. లక్ష్మీనరసయ్య అనే వ్యక్తి అంబులెన్సుకు డ్రైవరుగా ఉండగా.. ప్రసాద్, మహేష్ అనే వ్యక్తులు రోగులుగా నటిస్తూ ఎర్రచందనం స్మగ్లింగ్ చేస్తూ వచ్చారు. ఈ స్మగ్లింగ్ వెనుక 14మంది ఉండగా, 10మందిని అరెస్టు చేశారు. వారిలో కడపకు చెందిన నిమ్మల ప్రసాద్ (49), లక్ష్మీ నరసయ్య (47), పొద్దుటూరు జి.సతీష్ కుమార్ (37), తమిళనాడు తిరువన్నామలైకు చెందిన మరిదిరి (61), గోవిందన్ (45), కాళి (49), జీ.సేతు (35), కాశి (35), హరి (25), రాజు మాణిక్యం (40)లుగా గుర్తించారు. మరో నలుగురు కోసం గాలిస్తున్నారు. పట్టుబడిన దుంగలు, వ్యాను కలిపి సుమారు రూ.20లక్షల వరకు ఉంటుందని డీఎస్పీ మురళీధర్ తెలిపారు.