ఈరోజు తిరుమలలో రష్...?
తిరుమలలో భక్తుల రద్దీ కొనసాగుతుంది. ఆదివారం కావడంతో భక్తుల రద్దీ ఎక్కువగా ఉంది.
తిరుమలలో భక్తుల రద్దీ కొనసాగుతుంది. ఆదివారం కావడంతో భక్తుల రద్దీ ఎక్కువగా ఉంది. నిన్న శివరాత్రి కూడా ఎక్కువ సంఖ్యలో భక్తులు తిరుమల శ్రీవారిని దర్శించుకున్నారు. వైకుఠం క్యూ కాంప్లెక్స్ లోని 24 కంపార్ట్‌మెంట్లలో భక్తులు తిరుమల శ్రీవారి దర్శనం కోసం వేచి చూస్తున్నారు. వీరికి ఐదు గంటల దర్శన సమయం పడుతుందని తిరుమల తిరుపతి దేవస్థానం అధికారులు చెబుతున్నారు. సర్వదర్శనం టోకెన్లు లేని భక్తులకు మాత్రం స్వామి వారి దర్శనం 24 గంటల సమయం పడుతుందని అధికారులు వెల్లడించారు.
హుండీ ఆదాయం....
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు స్వామి వారి దర్శన సమయం రెండు నుంచి మూడు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 71,350 మంది భక్తులు దర్శించుకున్నారు. వీరిలో 28,912 మంది భక్తులు తలనీలాలను సమర్పించి తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.47 కోట్ల రూపాయలు వచ్చిందని అధికారులు తెలిపారు.