Tirumala : తిరుమలలో సోమవారం కూడా ఇంత రద్దీ ఏంటబ్బా?

తిరుమలలో భక్తుల రద్దీ కొనసాగుతుంది. సోమవారం అయినా భక్తుల సంఖ్య తిరుమలలో ఏమాత్రం తగ్గలేదు. నిన్నటి నుంచి భక్తుల సంఖ్య ఎక్కువగానే కనిపిస్తుంది. మాడవీధుల్లో భక్తుల సంచారం అధికంగా ఉంది. తిరుమల వీధులన్నీ గోవింద నామస్మరణలతో మారుమోగిపోతున్నాయి. సహజంగా సోమవారానికి తిరుమలలో భక్తుల రద్దీ తక్కువగా ఉంటుంది. కానీ సోమవారం కూడా భక్తుల రద్దీ కంటిన్యూ అవ్వడంతో అధికారులు అందుకు అనుగుణంగా తగిన ఏర్పాట్లు చేస్తున్నారు. కంపార్ట్ మెంట్లలోనూ, అన్నదాన సత్రం వద్ద, లడ్డూ కౌంటర్ల వద్ద ఎక్కడ చూసినా భక్తుల రద్దీ కనిపిస్తుంది. తిరుమలలో హుండీ ఆదాయం గతంలో కంటే పెరిగిందని తిరుమల తిరుపతి దేవస్థానం అధికారులు చెబుతున్నారు. భక్తులు స్వల్ప సంఖ్యలో వచ్చినప్పుడు కూడా హుండీ ఆదాయం మాత్రం తగ్గకపోవడంతో అధికారులు ఆనందం వ్యక్తం చేస్తున్నారు. తిరుమలకు వచ్చే భక్తులకు అన్ని సౌకర్యాలను కల్పించడమే లక్ష్యంగా పనిచేస్తున్నామని, క్యూ లైన్ లో ప్రవేశించి స్వామి వారిని దర్శించుకునేంత వరకూ అన్ని జాగ్రత్తలు తీసుకుంటున్నామని అధికారులు తెలిపారు. అలాగే ముందుగా దర్శనం టిక్కెట్లను బుక్ చేసుకున్న భక్తులు సరైన సమయానికి క్యూ లైన్ లోకి వచ్చి స్వామి వారి దర్శనాన్ని పూర్తి చేసుకోవాలని కోరుతున్నారు. ధనుర్మాసం ప్రారంభం కావడంతో తిరుమలలో భక్తుల రద్దీ పెరిగి ఉంటుందని అధికారులు అంచనా వేస్తున్నారు