Nara Lokesh : గుడికెళ్తే ఈ దోపిడీ ఎందన్నా.. లోకేష్ రియాక్షన్ ఏంటంటే?
ఒక భక్తుడు చేసిన ట్విట్ కు మంత్రి నారా లోకేష్ స్పందించారు. వెంటనే చర్యలకు ఆదేశించారు
భక్తి కోసం... గుడికి వెళ్తే....టికెట్ రూపం లో జేబుల్లో డబ్బులు దోచేస్తున్నారు మంత్రి గారు ఒక భక్తుడు చేసిన ట్విట్ కు మంత్రి నారా లోకేష్ స్పందించారు.కాణిపాకం వినాయకుడి ఆలయంలో దోచేస్తున్నారని, టికెట్‌తో సహా భక్తుడు మంత్రి లోకేష్ కు ట్వీట్ చేశాడు. కిషోర్ గౌడ్ అనే ఓ నెటిజన్ తనకు ఎదురైన సమస్యను ట్విట్టర్ వేదికగా మంత్రి లోకేష్ దృష్టికి తీసుకెళ్లారు. "నమస్తే నారా లోకేష్ అన్నా.. కాణిపాకంలో దేవాలయం వారి దోపిడీ చాలా దారుణంగా ఉంది. మేము ఈ రోజు 500 రూపాయలు సాధారణ ఆశీర్వాదం టికెట్ తీసుకున్నాము. అయితే దాని మీద ఇద్దరికి కి మాత్రమే అని రాసి ఉంది కానీ ఒకరిని మాత్రమే లోపలికి పంపారు. దానికి అడిగితే ఇక్కడ రూల్స్ ఇంతే ఎవరికీ చెప్పుకుంటారో చెప్పుకోండి అన్నారు. దయచేసి దీని మీద చర్యలు తీసుకుని భక్తులకు అన్యాయం జరగకుండా చూడండి' అంటూ ఆ టికెట్‌తో సహా ట్వీట్ చేశారు.