అవినాష్ రెడ్డి ఆరోపణలపై బీటెక్ రవి ఏమన్నారంటే?
ఎంపీ అవినాష్ రెడ్డి చేసిన ఆరోపణలలో నిజం లేదని టీడీపీ నేత బీటెక్ రవి అన్నారు;
వీఆర్వోలను ఎమ్మార్వో ఆఫీస్ లో నిర్బంధించి ఎన్నికలు జరుపుకున్నారని ఎంపీ చేసిన ఆరోపణలలో నిజం లేదని టీడీపీ నేత బీటెక్ రవి అన్నారు. అవినాష్ రెడ్డికి దమ్ము ధైర్యం ఉంటే వేముల పోలీస్ స్టేషన్ కు వెళ్లకుండా ఎమ్మార్వో ఆఫీస్ ల వద్దకు వెళ్లాలి కదా అని బీటెక్ రవి ప్రశ్నించారు. రాంగోపాల్ రెడ్డి ఎమ్మెల్సీ ఎన్నికల్లో లింగాలో బూత్ క్యాప్చరింగ్ జరుగుతోందని తెలిసిన వెంటనే తాము లింగాలకు వెళ్లామని తెలిపారు. అక్కడ తన మీద దాడి జరిగి ఉండొచ్చు అవమానం జరిగి ఉండొచ్చునని, అయినా ధైర్యంగా తాము వెళ్ళామని బీటెక్ రవి తెలిపారు.పులివెందుల నియోజకవర్గంలో ఒక చిన్న సంఘటనన్నా ఏమైనా జరిగిందా అని ఆయన ప్రశ్నించారు. పులివెందులలోనే పోటీ పెట్టుకోలేనప్పుడు రాష్ట్రవ్యాప్తంగా ఎలా పోటీ పెడతామని మీరంతా జగన్ తో మాట్లాడుకుని ఎలక్షన్లు బాయికాట్ చేశారని బీటెక్ రవి ఆరోపించారు.
గతంలో అన్నీ ఏకగ్రీవం చేసుకోలేదా?
గతంలో వైసీపీ పరిపాలనలో అన్ని ఏకగ్రీవం చేసుకున్నారని, గతంలో సతీష్ రెడ్డి ఇన్ ఛార్జిగా ఉన్నప్పుడు ఆయనను తీవ్ర ఇబ్బందులకు గురి చేశారన్నారు. అది వాస్తవమో కాదో మీ పార్టీలోనే ఉన్నాడు కదా అడగండని అన్నారు. అద్దంలో నా మొఖం చూసుకుంటే వైయస్ కుటుంబం ఓడిపోయింది..బీటెక్ రవి చేతిలోనే అని గుర్తుపెట్టుకోవాలని అన్నారు. "అవినాష్ రెడ్డి నీ మఖం అద్దంలో చూసుకో నీకు వివేకానంద రెడ్డి ఫోటో కనిపిస్తోంది. పులివెందుల రైతులు గుడ్డలూడదీసి జగన్ ముందర నిన్ను పెట్టారు. జగన్ ఎంపీని తిడితే ఫ్రస్టేషన్లో ఏదేదో మాట్లాడుతున్నారు. అవినాష్ రెడ్డి వల్లనే జగన్మోహన్ రెడ్డికి కుటుంబం దూరమైందని, తర్వాత తల్లి, చెల్లి కూడా దూరమైందని చర్చించుకుంటున్నారు. మా పార్టీ నాయకులు కార్యకర్తలు కలిసి ఎంపీని దద్దమ్మను చేశాం. రైతుల మీద ప్రేమ ఉంటే ఐదు సంవత్సరాలు రైతులకు డ్రిప్ ఇవ్వకుండా వేధించారు. ప్రజలు మీ నాయకులు సహకరించక అసెంబ్లీ బాయ్ కాట్, పంచాయతీ ఎన్నికలు బాయ్ కాట్, నీటి సంఘం ఎన్నికలు బాయ్ కాట్, జడ్పిటిసి ఎన్నికలు బాయ్ కాట్ అనే విధంగా చేస్తా" అని బీటెక్ రవి అన్నారు.