24 గంటల్లో దర్శనం
తిరుమలలో భక్తుల రద్దీ ఎక్కువగా ఉంది. గురువారం కూడా భక్తులు స్వామి వారిని దర్శించుకోవడానికి బారులు తీరారు.
తిరుమలలో భక్తుల రద్దీ ఎక్కువగా ఉంది. గురువారం కూడా భక్తులు స్వామి వారిని దర్శించుకోవడానికి బారులు తీరారు. వైకుంఠం క్యూ కాంప్లెక్స్ లోని 12 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. సర్వ దర్శనం క్యూ లైన్ లో ఉన్న భక్తులకు ఐదు గంటల సమయంలో దర్శనం పూర్తవుతుంది. సర్వదర్శనం టోకెన్లు లేని భక్తులకు 24 గంటల పాటు దర్శన సమయం పడుతుందని తిరుమల తిరుపతి దేవస్థానం అధికారులు వెల్లడించారు.
ప్రత్యేక దర్శనం....
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు రెండు నుంచి మూడు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 66,033 మంది భక్తులు స్వామి వారిని దర్శించుకున్నారు. 25,688 మంది భక్తులు తలనీలాలను సమర్పించి తమ మొక్కులు తీర్చుకున్నారని అధికారులు తెలిపారు. నిన్న తిరుమల శ్రీవారి హుండీ ఆదాయం 4.33 కోట్ల రూపాయలు వచ్చిందని అధికారులు వెల్లడించారు.