వెంకన్నకు రికార్డు స్థాయి ఆదాయం
తిరుమల శ్రీవారి హుండీ ఆదాయం 5.65 కోట్ల రూపాయలు వచ్చిందని, ఈ మధ్య కాలంలో ఇదే అత్యధిక ఆదాయమని టీటీడీ అధికారులు తెలిపారు
తిరుమలలో భక్తుల రద్దీ కొనసాగుతుంది. మంగళవారం కూడా భక్తులు అధిక సంఖ్యలో తిరుమలకు చేరుకున్నారు. వైకుంఠం క్యూ కాంప్లెక్స్ లోని ఐదు కంపార్ట్‌మెంట్లలో శ్రీవారి దర్శనం కోసం భక్తులు వేచి ఉన్నారు. సర్వదర్శనం క్యూలైన్ లో ఉన్న భక్తులకు శ్రీవారి దర్శనం ఐదు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. ఉదయం ఏడు గంటలకు టోకెన్లు లేకుండా సర్వదర్శనం క్యూ లైన్ లో ప్రవేశించే భక్తులకు శ్రీవారి దర్శనం 24 గంటల సమయం పడుతుందని అధికారులు వెల్లడించారు.
ప్రత్యేక దర్శనం...
మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 68,365 మంది భక్తులు దర్శించుకున్నారు. వీరిలో 27,818 మంది తలనీలాలను సమర్పించి శ్రీవారి మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 5.65 కోట్ల రూపాయలు వచ్చిందని, ఈ మధ్య కాలంలో ఇదే అత్యధిక ఆదాయమని తిరుమల తిరుపతి దేవస్థానం అధికారులు తెలిపారు.