బ్యాంకు అధికారులకు మంత్రి నిర్మలమ్మ కీలక ఆదేశాలు
కేంద్ర ఆర్థిక మంత్రి నిర్మలా సీతారామన్ బ్యాంకులు, ఆర్థిక సంస్థలకు కొత్త ఆదేశాలు జారీ చేశారు. బ్యాంకులు, ఆర్థిక సంస్థలతో..
కేంద్ర ఆర్థిక మంత్రి నిర్మలా సీతారామన్ బ్యాంకులు, ఆర్థిక సంస్థలకు కొత్త ఆదేశాలు జారీ చేశారు. బ్యాంకులు, ఆర్థిక సంస్థలతో అనుబంధించబడిన కోట్లాది మంది ఖాతాదారుల కోసం ఈ ఆదేశాలు జారీ చేశారు. ఆర్థిక మంత్రి ఇచ్చిన ఆదేశాలలో తమ ఖాతాదారులందరూ తమ వారసుడిని నామినేట్ చేసేలా చూడాలని కోరారు. ఇది క్లెయిమ్ చేయని డబ్బు మొత్తాన్ని తగ్గించడంలో సహాయపడుతుందని అన్నారు. బ్యాంక్‌లలో క్లైయిమ్‌ చేసుకోలేని డబ్బు వేల కోట్లల్లో ఉంది. ఆ డబ్బుకు సంబంధించిన వారసులను గుర్తించేందుకు సెంట్రల్ బ్యాంక్ ఇటీవల ఆర్‌బిఐ పోర్టల్‌ను ప్రారంభించి చర్యలు చేపట్టింది. ఆ తర్వాత ఆర్థిక మంత్రి ఈ ఆదేశాలు జారీ చేశారు. వారసుడి పేరు రాసి చిరునామా కూడా ఇవ్వండిండ అంటూ జరిగిన ఓ గ్లోబల్ ఫిన్‌టెక్ ఫెస్ట్ సమావేశంలో తెలిపారు. ఎలాగైనా డబ్బు డిపాజిట్‌ చేసిన వారి నామినీని గుర్తించాలని సూచించారు.
'బ్యాంకింగ్ వ్యవస్థ, ఆర్థిక పర్యావరణ వ్యవస్థ, మ్యూచువల్ ఫండ్‌లు, స్టాక్ మార్కెట్, ప్రతి ఒక్కరూ ఖాతాదారుడు డబ్బు లావాదేవీలు చేసినప్పుడు గుర్తుంచుకోవాలని నేను కోరుకుంటున్నాను. అందుకు సంస్థలు భవిష్యత్తు గురించి ఆలోచించి నిర్ణయించుకోవాలి. అక్కడ వారు వారి వారసుడిని నామినేట్ చేస్తారు. వారి పేరు, చిరునామాను ఇవ్వండి. రూ. 35,000 కోట్ల మొత్తానికి క్లెయిం చేసేవారు ఎవరూ లేరు . ఒక నివేదిక ప్రకారం, బ్యాంకింగ్ వ్యవస్థలో రూ. 35,000 కోట్ల కంటే ఎక్కువ మొత్తం ఉంది. ఇది ఎవరూ క్లెయిమ్ చేయలేదు. అందుకే ఆ డబ్బును క్లైయిమ్‌ చేసే విధంగా చూడాలని బ్యాంకు అధికారులను ఆదేశించారు.
కాగా, బ్యాంకుల్లో ఎలాంటి క్లైయిమ్‌ చేయని డబ్బు సుమారు రూ.35 వేల కోట్ల వరకు ఉన్నట్లు రిజర్వ్‌ బ్యాంక్ నివేదికలు చెబుతున్నాయి. ఈ డబ్బును క్లైయిమ్‌ చేసే విధంగా ఆర్బీఐ కొత్త పోర్టల్‌ను ప్రారంభించింది. ఈ పోర్టల్‌ ద్వారా వారి వారసులు ఎవరైనా ఉంటే వివరాలు నమోదు చేసుకోవాల్సి ఉంటుంది. తర్వాత బ్యాంకు అధికారులు పూర్తి వివరాలు పరిశీలించిన తర్వాత ఆ డబ్బును వారి వారసులు గానీ, సంబంధిత కుటుంబ సభ్యులకు అందించనుంది ఆర్బీఐ.